UNA HORA, UN PASO

Juan espainiarrak 17 urte daramatza preso Egiptoko espetxe batean. Denbora horretan, bi poema-liburu idatzi ditu, ezkondu egin da, alaba bat izan du eta, oraindik ere, Espainiara itzuliko denaren itxaropena du. Erreportari-talde bat espetxera joan da bera elkarrizketatzeko asmotan, baina gertaera lazgarri batek ezustean harrapatuko ditu.

Donostia, 1989. Madrileko Carlos III. Unibertsitatean Ikus-entzunezko Komunikazioan lizentziatu zen. 2011n, Las modelos del pintor de caras iraupen ertaineko filma zuzendu zuen karrera amaierako proiektu gisa eta zinemako eta dokumentalen zuzendaritza ikasi zuen ESCAC-en. Hogeitik gora film laburretan lan egin du, bai zuzendari laguntzaile gisa, bai gidoilari zein zuzendari lanetan. 2011n, halaber, Pilolu dokumentala egin zuen Indian eta Proyecto Pilolu dokumental-proiektuaren egilea eta zuzendaria da, 2011tik 2021era iraungo duena.