EXERGO

Arte museo batean lanean hasi berri den emakume batek mezu elektroniko bat idazten dio lagun bati. Beste emakumea artista gisa bizimodua ateratzen saiatzen da. Emakumezko ahots batek mezu hau irakurtzen du; ezin dugu ziurtatu ahotsa mezuaren igorlearena edo hartzailearena den. Hitzen bitartez Bilboko Arte Ederren Museoko margolanen xehetasun periferiko eta ezkutuetan barrena ibilbide bat entseatzen duen bitartean, ahots hori biderkatu egiten da, obra horien ekoizpen-baldintzen eta iraganeko nahiz oraingo artistek jasaten dituzten baldintza sozial, ekonomiko eta psikologikoen arteko baliokidetasunak gogora ekarriz.

Gasteiz, 1988. Arte Ederretan lizentziaduna da Euskal Herriko Unibertsitatean (EHU-UPV), eta zinemako eta ikusizko arteetako ikasketak egin ditu Universitatea de Arta si Design din Cluj-Napocan (Errumania), Vigoko Unibertsitatean (UVigo) eta Bartzelonako Unibertsitate Autonomoan (UAB).

IDFAcademy edo Berlinale Talents programa ospetsuetan parte hartu du. Hainbat erakusketa kolektibotan parte hartzeaz gain, bere lanak DOK Leipzig, IDFA, Punto de Vista, Malagako Zinemaldia, Tirana International Film Festival, FICG-Festival de Cine de Guadalajara, Oberhausen, Beijing International Short Film Festival edo Filmadrid bezalako nazioarteko jaialdietan saritu eta erakutsi dira.

Zuzendari gisa egindako lanekin batera, zuzendari laguntzaile lanetan ibili da Ivan Castiñeirasen ‘Where is the jungle?' filman, muntatzaile gisa Irati Canoren ‘Medusak'-en edota Frederico Loboren ‘Quando a Terra Foge' lanean, aurki Canneseko Quinzaine des Cinéastes-en estreinatuko dena. Era berean, Érik Bullot, Orsolya Gàl, Miren Barrena eta The Sound We See bezalako artistekin kolaboratu du.